១. មេឃថ្មីខ្យល់ថ្មីដីជ្រោយតាព្រហ្មអឺយ
រសៀលរៃយំ ក្នុងជំរំល្មុតអឺយ
បងសូមភ្លៅកើយ ពៅអើយកុំស្លុត
សម្ដីផុតៗសាសងឆ្លងឆ្លើយ។

២. ដៃឆ្វេងច្បូតសក់ដៃស្ដាំស្ទាបទ្រូងអឺយ
ចង្វាក់បេះដូងលោតឆ្លងចាំត្រើយអឺយ
វាំងននដើមត្រែង យប់យន់ដល់ហើយ
ឆ្លងទូករកត្រើយ ពៅអើយចាំទេ។

៣. បង្អែកគល់ស្វាយ ប្រឡាយមាត់ច្រាំង
ខែរះចោលល្បាំង ឃើញរាងស្រីស្នេហ៍អឺយ
កុលាបតាព្រហ្ម បងសូមថ្នមថែ
បងទុកជាកេរ្ដិ៍នៅក្នុងដួងចិត្ត។

៤. ឱ!ទ្រខ្សែបី ប៉ីអម៉ឺនពេជ្រអឺយ
សូមអ្នកកុំភ្លេចផ្លុំបទជីវិតអឺយ
ជួយចាំរឿងខ្ញុំ កាលពីអតីត
ខ្ញុំបានផ្ញើចិត្តលើកុលាបហើយ។

បន្ទរ៖ ៣-៤