១. កាលអូនរត់លេង ក្មេងហៀរសំបោរ មិនស្លៀកទាំងខោទាំងសំពត់ផង
ស្គាល់មុខអូនច្បាស់ផ្ទះជាប់របង ច្រើនឆ្នាំកន្លងអូនពេញក្រមុំ ។

២. ពីក្មេងគិតស្មានថាកែវមិនកើត ឥឡូវប្រុសអើតដូចរុយរោមនំ
មិនថាប្រុសគេមិនថាប្រុសខ្ញុំ អូនពេញក្រមុំជ្រួលជ្រើមចង់បាន ។

៣. អូនល្អទាំងអស់សមស្រស់គ្មានពីរ ចំជានារីបវរកល្យាណ
កុកអើយកុំប៉ង ខ្យងអើយកុំស្មាន បើសិនជាបានគឺខ្ញុំឯណេះទេ ។

៤. បងនៅកំលោះស្មោះត្រង់ទាំងចិត្ត សូមអូនអាណិតកុំកាត់ក្តីស្នេហ៍
បងចាំរូបអូនដូចកូនចាំម៉ែ ទាំងក្រុងទាំងស្រែឃើញតែអូនមួយ ៕