Song Title:ស្រក់​ទឹកភ្នែក​ព្រោះ​អ្វី?

ផ្ដើម៖ អូនស្រក់ទឹកភ្នែក ហេតុម្តេចបានជាស្រីយំ? អូនយំរឿងអ្វី?

១. ខ្នើយមុងចង្កៀងភ្លៀងផ្គរ អង្វរលន់តួសួរបង ថាម្តេចក៏អូន នាងគេងបែរខ្នង ព្រួយផងយំផង ខឹងនឹងបងឬអូន?

២. អូនយំរឿងអ្វី រឿងអ្វី? យំបីរាត្រីយំ យំមិនបាត់ឡើយ បែរខ្នងដាក់បង មិនព្រមឆ្លងឆ្លើយ ឬមានគូហើយ ហើយមករៀបការនឹងបង?

ស្រីពោល៖ ចាស! សូមបងកុំខឹងនឹងអូន អូនមានសង្សារ រួចទៅហើយមែន តែម្តាយអូនគាត់បង្ខំអោយរៀបការនឹងបង ហើយអូនមិនហ៊ានប្រកែក ការពិតព្រហ្មចារីយ៍អូន អូនបានបូជា ជូនសង្សារអូនរួចទៅហើយ ។

R. មិនថ្វីទេអូន អូនអើ្ហយកុំយំ បងមិនបង្ខំចិត្តអូនឡើយ បងស៊ូលះបង់ រូបអូនវិញហើយ អូនអ្ហើយជួបសង្សារអូនចុះពៅ ។

៣. បងជូតទឹកភ្នែកជូនស្រី បងគ្មាននិស្ស័យជាប្តីអូនទេ តែចិត្តជ្រុលស្នេហ៍ បងនៅតែស្នេហ៍ បងមិនភ្លេចទេ តែសូមជួបជាតិក្រោយអើយ ៕