១. រាំងអើយរាំងរេ ទេរមែករកគ្នា
ឯកុកកំព្រាចាំអើយចាប់ត្រី
រាំងដុះមាត់បឹងអើយក្រោមកម្ដៅថ្ងៃ
រាំងមាននិស្ស័យចេញផ្កាគ្រប់ទង។

(អើយសារ៉ាវ៉ាន់ អើយសារ៉ាវ៉ាន់)

២. រាំងដុះអត់ថ្នាលកណ្ដាលអើយព្រៃធំ
ទុកគ្រាន់កុកទំសួលើអើយបង្គង
វល្លិប្រេងឡើងព័ទ្ធដូចមានអើយគេចង
ដូចរូបនួនល្អងមានគេអើយនាវទុក។

(អើយសារ៉ាវ៉ាន់ អើយសារ៉ាវ៉ាន់)

៣. សង្ឃឹមរាំងផ្សេងខ្លាចក្រែងអភ័ព្វ
រាំងអូនបងធ្លាប់លបលួចអើយមើលមុខ
ផ្ការាំងប្រឹងរីកដូចរាយអើយទំនុក
អង្អែលទ្រូងកុកឲ្យបាត់អើយទុក្ខា។

(អើយសារ៉ាវ៉ាន់ អើយសារ៉ាវ៉ាន់)

៤. បង្គងរលោងឈោងសួអើយតាមមែក
គង់មានថ្ងៃស្អែកជួបប្រាំងអើយវស្សា
ថ្ងៃនេះកុកយំ យំសូមកាច់ផ្កា
ដាក់ភ្ជាប់ឱរាថើបឲ្យដឹងក្លិន។