Song Title:យប់​មិញ​អូន​ញញឹម

១. យប់មិញនរណាញញឹមដាក់បង
គឺស្រស់នួនល្អងបងឃើញញញឺម
កាន់ដៃគ្នាដើរក្រោមភ្លៀងរលឹម
ទាំងគូសង្ឃឹមថាមិនព្រាត់គ្នា។

២. យប់មិញញញឺមសំដីក៏ផ្អែម
ថើបបងហើយថែមទាំងស្បថសច្ចា
បងជឿហើយអូនលុះសូន្យសង្ខារ
ជឿថាស្នេហារីកស្រស់ប៉ប្រឹម។

៣. ថ្ងៃនេះម្តេចអូនស្រពោនភក្រ្តា
ថ្ងៃនេះនរណាឲ្យអស់សង្ឃឹម
យប់មិញយប់មិញឃើញអូនញញឺម ហ៊ឺៗៗៗហ៊ឺៗៗ
ញញឺមញញឺមទៀតទៅពៅអើយ។

៤. យប់នេះនរណាញញឹមដាក់បង
បើស្រស់នួនល្អងលែងញញឺមហើយ
ញញឺមជាថ្មីមកព្រលឹងអើយ
បងរង់ចាំហើយចាំអូនញញឹម។

បន្ទរ ៣.