Song Title:បាត់ដំបង​បណ្ដូលចិត្ត

១. បងដើរមាត់ស្ទឹងលឺជ្រឹងពួនយំ
ឆ្លងដល់ជំរុំចម្ការក្រូចស្រី
ម្លិះរួតប្រឹងរីកទទួលកវី
ប្លែកតែរូបស្រីមិនឃើញភក្ត្រា។

២. អូនដើរបេះក្រូចបងលួចមើលម៉ុម
ចម្ការស្រីធំជាច្រើនហិចតា
សាវម៉ាវចេញផ្លែសង្កែចេញផ្កា
ដូចណាត់ចិន្ដាឲ្យជួបកវី។

៣. តោវត្តតាមឹមគ្រហឹមដាក់ខ្ញុំ
ការពាររូបម៉ុមក្រពុំពេញវ័យ
អូនចុះងូតទឹកលើស្ពានបោះថ្មី
បងភ្លឹកស្មារតីព្រោះស្រីល្អណាស់។

៤. រឿងបាត់ដំបងចងចិត្តខ្ញុំហើយ
ស្ទឹងសង្កែអើយកុំហូរបញ្ច្រាស
សូមលោកមេបាមីងមាក្មេងចាស់
ជួយប្រណីខ្លះដល់កវីផង។

បន្ទរ ៣.