១. កុលាបដូនទាវ រៀមសែនស្រណោះ ល្អទាំងរូបសម្ផស្ស តែទាស់កុលាបចិត្តឥតប្រណី
ឃើញបងពិការ អូនក៏ថា បងរស់គ្មានន័យ បានជាស្រី មិនភ្ជាប់និស្ស័យវាសនា។

២. អភ័ព្វណាស់ខ្ញុំ តាំងពីកំណើត ទេវតាលោកបង្កើត ដាក់ទោសរូបខ្ញុំ អោយខ្ញុំពិការ
ពេលខ្ញុំមានបាប ក៏កុលាប ដាក់ទោសស្នេហា គ្មានមេត្តាអោយបង ខ្លោចផ្សារាល់ថ្ងៃ។

R. ឱ!កុលាបអើយ ម្តេចឡើយមិនអាសូរបង សូមផ្ញើវាសនាផង ចំលងបងកាន់ភពថ្មី
ឬអូនដាច់ចិត្តឯបងរឹតតែអាល័យ រាល់យប់ថ្ងៃ គេងផ្សងតែវាសនាកម្ម។

៣. ចង់ទ្រហោយំ អោយបែកឱរា ព្រោះតែរូបពិការ បានតែប្រាថ្នា ចិន្តាប្រេះស្រាំ
មានតែចំរៀង ខំស្រែកច្រៀង អង្វរផ្តែផ្តាំ ស៊ូទ្រាំចាំ អូនអើយចាំក្តីមេត្តា។