១. កាលបងចោលឈូងត្រូវទ្រូងស្រីខ្មៅ ម៉ែអូនកោះហៅផ្តាច់ខ្មៅពីបង
ស្រីៗជួយខឹងគេចាប់បងចង ដៃជាប់ចំណង បងច្រៀងអង្វរ...ណាអូនអើយ...ណាអូនអើយ...។

២. បងច្រៀងលោះខ្លួន ខ្មៅអូនមិនលែង បងស្រែកក្តែងៗខ្មៅអូនបន្ទរ
បងទ្រាំមិនបាន បងលើកខ្មៅព ខ្មៅអើយកុំង ខ្មៅអើយកុំជេរ...ណាអូនអើយ..ណាអូនអើយ...។

៣. បងពង្រត់ខ្មៅនៅថ្ងៃឡើងសក្តិ បងបីមិនដាក់រហូតស្រុកគេ
ខ្មៅអើយគេងទៅ បងនៅបំពេរ ក្រោកឡើងមាសមេ អូនពាក់អាវថ្មី ណាអូនអើយ...ណាអូនអើយ...។

៤. បងស្រលាញ់ខ្មៅកើយភ្លៅរាល់ថ្ងៃ ក្លិនខ្មៅជាស្បៃទុកកេរឲ្យប្តី
អូនចង់ទៅស្រុកដោយសាររឿងអ្វី បើម៉ែជេរស្តី ខ្មៅអូនវិលវិញ...ណាអូនអើយ..ណាអូនអើយ...។